Ramazan Zyberi, artisti shumëplanësh me karrierën 50 vjeçare

Ramazan Zyberi i takon një gjenerate artistësh që ju përkushtuan këngës popullore të Shqipërisë së Mesme, në veçanti asaj Tiranase. Ka lindur më 31dhjetor të vitit 1920.

Ishte artist shumëplanësh dhe karriera e tij e gjatë mbi 50-të vite, lidhet fillimisht me Teatrin Kombëtar, ku interpretoi përkrah aktorëve të njohur si Pjetër Gjoka, Pandi Raidhi, Behie Çela, Naim Frashëri etj. Më tej e lidhi veprimtarinë e tij artistike me Estradën e Shtetit ku punoi për 22 vjet me rradhë.

Dallohej për humor të beftë dhe origjinal, si gjetje të dialogjeve të goditura të mjedisit Tiranas ku edhe u rrit. Luajti karaktere të ndryshme dhe nuk përsëriste vetveten, duke sjellë individualitet, gjë që e bëri Ramazanin të fitonte duartrokitjet e publikut.

Zyberi e donte këngën popullore. Këndonte bukur, madje ishte edhe kompozitor. Dinte ta bënte publikun për vete me zërin dhe interpretimin e tij.

Ai na ka lënë një fond prej 60-të këngësh, shumë prej të cilave këndohen në veprimtari të shumta artistike. Artisti i merituar Ramazan Zyberi, ndërroj jetë më 22 shtator të vit it 2008.

nga Alona Eltari